Hugot nga gibantayan sa mga otoridad ang peace and order sa dakbayan sa Valencia sa umaabot nga kapaskuhan.
Matud ni Jun Galario, consultant ug tigpamaba sa kasamtangang mayor sa dakbayan, wala matud misaka ang ihap sa kriminalidad ug walay nareport nga biktima sa mga krimen sa pagkakaron.
Dugang pa, daghang law enforcement personnel ang gi-deploy sa dakbayan aron masiguro ang kaluwasan ug kahapsay sa katawhan atol sa selebrasyon sa Pasko.
Samtang sa pikas bahin, nagpahigayon usab ang maong dakbayan og mga kampanya batok sa iligal nga droga lakip na ang mga lectures sa mga tulunghaan alang sa kamahinungdanon sa epekto sa pagamit og niini alang sa mga kabataan.
Kini subay sa datos nga gipagula diin kasagaran ang nagpayuhot mga kabatan-onan.
Gipunting ni Galario nga bug-os ang tinguha sa mayor sa dakbayan ang pagpatuman og mga tukmang lakang aron mapugngan ang pagsaka sa ihap sa mga nagpayuhot og iligal nga drogra.