Giklaro sa Malacañang nga wala pa’y gitukod nga legal team si Presidente Ferdinand Marcos Jr. nga mobarog isip iyang depensa batok sa mga gipasakang impeachment complaints.
Sumala ni Palace Press Officer USec. Claire Castro, wala pa mahisguti ang maong butang bisan pa man og gikatakdang magtigom ang House Committee on Justice karong Lunes aron dunganon o i-consolidate ang duha ka reklamo batok sa Presidente.
Dugang ni Castro, nasayod ang Presidente sa dagan sa proseso sa impeachment ug andam kini nga mosunod sa bisan unsang itakda sa balaod. Gibutyag usab niya nga sa ilang panag-istorya sa Presidente kagabii, wala kini maghisgot og mga posibleng senaryo kalabot sa maong kaso, gawas sa iyang pagbarog nga mosunod lang siya sa makiangayong proseso.