Nakabalik na sa nasud si Presidente Ferdinand Marcos Jr. kaganihang alas 11:28 sa buntag.
Sa iyang arrival statement, gipasigarbo sa Presidente ang kalampusan sa pagpirma sa duha ka mahinungdanong kasabutan tali sa Pilipinas ug United Arab Emirates (UAE) ang Comprehensive Economic Partnership Agreement (CEPA) ug ang Memorandum of Understanding on Defense Cooperation.Sumala sa Presidente, ubos sa CEPA, mas mulapad ang market access sa Pilipinas ngadto sa Middle East para sa mga produkto sa nasud, lakip na ang suplay sa Professional services, Health ug construction, Information and Communications Technology (ICT) ug uban pa.
Ang pagpalig-on sa market access para sa mga Filipino service providers paingon sa UAE usa ka tin-aw nga pag-ila sa professional competence ug excellence sa mga Pilipino ingon man ang ilang dako nga kontribusyon sa ekonomiya sa UAE.
Alang sa MOU on Defense Cooperation, gipahayag sa Presidente nga maghatag kini og dalan para sa mas lawom nga kooperasyon sa advanced defense technologies sama sa Unmanned aerial systems, Electronic warfare ug Naval systems.
Ubos sa maong kasabutan, palig-onon ang relasyon sa depensa ug militar pinaagi sa edukasyon, training, intelligence ug security sharing, lakip na ang kooperasyon batok sa terorismo, maritime security ug peacekeeping operations.