Hugot nga nagpahimangno si Presidente Ferdinand Marcos Jr. ngadto sa mga negosyanteng kinsa nalambigit sa “hoarding”.
Gipasalig sa Presidente nga gamiton sa kagamhanan ang tibuok kusog sa balaod aron mapahunong ang maong binuhatan.
Sumala pa niini, ang maong kampanya dili lamang limitado sa mga oil products o lana, kondili lakip na usab sa tanang mga importanteng palaliton nga gikinahanglan sa komunidad.
Kini nga lakang subay sa deklarasyon sa State of National Energy Emergency, diin tumong sa gobyerno nga mapanalipdan ang katawhan gikan sa mga mapahimuslanong negosyante nga nagpahinabo sa pagsaka sa presyo sa mga palaliton pinaagi sa pagtago sa mga supply.
Giawhag usab ni Presidente Marcos ang mga nagplano pa nga mohimo niining ilegal nga buluhaton nga hunungon na kini, dungan sa pagkumpirma nga adunay igong supply sa lana ug pagkaon sa tibuok nasud.
Nanindigan usab ang Presidente nga dili niini itugot nga ang matag Pilipino ang mopas-an sa tibuok kabug-at sa krisis nga gipasamot lamang sa mga ilegal nga operasyon sa pipila ka negosyante