- Advertisement -
Gimandoan ni Presidente Ferdinand “Bongbong” Marcos Jr. ang Department of Health (DOH) nga pahugtan ang pag-monitor ug pagbantay batok sa posibleng pagsulod sa Nipah virus sa nasod.
Taliwala sa mga report bahin sa maong virus sa ubang kanasoran, gipahimug-atan sa Presidente ang kamahinungdanon sa sayo nga pagpangandam aron malikayan ang bisan unsang pagkaylap sa sakit. Gitahasan ang DOH nga sigurohon ang aktibong surveillance sa mga tugpahanan ug dunggoanan, ingon man ang pagpahibalo sa publiko bahin sa mga simtomas ug pamaagi sa paglikay niini.
Giklaro usab sa Palasyo nga ang maong lakang gihimo isip panagana (precautionary measure) aron mapanalipdan ang kahimsog sa matag Pilipino.
- Advertisement -