Gipasalig ni Presidente Ferdinand Marcos Jr. ang publiko nga maayô na ang iyang kahimtang ug nakabalik na siya sa pagpatuman sa iyang mga opisyal nga katungdanan sa Malacañang.
Bisan pa nga anaa pa siya sa ilawom sa tambal ug giya sa iyang mga doktor, matod sa presidente nga igo na ang iyang kusog aron ipadayon ang trabaho isip punong ehekutibo sa nasod.
Gipangunahan na usab sa presidente ang daghang hinungdanong miting, lakip ang ika-pito nga pagpulong sa Economic and Development Council uban ang kadaghanan sa mga miyembro sa gabinete.
Giklaro usab niya nga ang hinungdan sa iyang wala pagtambong sa Gawad Lingkod Bayan Pagpupugay ang konsultasyon sa iyang mga doktor.
Gipunting ni Presidente Marcos nga padayon ang iyang pagbalik sa regular nga iskedyul sa mga buluhaton ug nagpasalamat siya sa publiko sa mga pag-ampo ug mensahe alang sa iyang pag-ayo.
Samtang, gisuprotahan usab sa presidente ang desisyon sa iyang anak nga si Congressman Sandro Marcos nga mo-inhibit sa mga impeachment proceedings batok kaniya, aron mapadayon ang hustisya ug kredibilidad sa proseso.