Gisiguro ni Presidente Ferdinand “Bongbong” Marcos Jr. nga nagpabilin nga igo ang suplay sa pagkaon, petrolyo, ug abono sa nasud bisan pa sa nagpadayon nga tensiyon sa kalibutanong merkado.
Sumala sa Pangulo, normal gihapon ang presyo sa mga nag-unang kinahanglanon ug produktong petrolyo tandi sa miaging mga semana.
Gibutyag niini nga padayon ang pakigtimnayayog sa mga vendors aron mapadayon ang presyo, busa dili kinahanglan nga mag-hoard o mag-panic ang publiko.
Gipunting usab ni Presidente Marcos nga ang nag-unang lakang sa gobyerno aron matabangan ang mga Pilipino, lakip ang mga drivers, mao ang pagpanalipod ug pagpabilin sa lig-on nga presyo ug suplay sa lana.
Gidugang pa sa Presidente nga adunay gahum ang gobyerno nga usbon ang excise tax sa fuel kung kinahanglan aron mugaan ang gasto sa publiko, apan kini nagdepende gihapon sa lihok sa kalibutanong merkado.