Gimando ni Presidente Ferdinand Marcos Jr. ang pagpatuman sa price freeze o pagpugong sa pagtaas sa presyo sa mga nag-unang mga palaliton hangtod sa katapusan sa tuig 2025.
Mitubag gilayaon ang Department of Trade and Industry kon (DTI) sa maong sugo sa Presidente aron mapugngan ang taas nga presyo sa mga produkto nga ginapanginahanglan sa katawhan.
Sumala ni Trade Secretary Maria Cristina Aldeguer-Roque, personal nga gipahibalo kaniya sa Pangulo ang maong direktiba sa wala pa kini mibiya padulong sa Malaysia aron motambong sa 47th ASEAN Summit.
Dugang pa sa kalihim, mituman usab ang mga negosyante ug mga stakeholder sa mando sa Presidente.
Gisiguro usab ni Roque nga magpadayon ang DTI sa pagmonitor sa presyo sa mga imported nga bugas ug uban pang pagkaon aron masiguro nga mosunod ang merkado sa presyo nga gitakda sa gobyerno.