Gikalipay ni Pangulong Ferdinand Marcos Jr. ang suporta sa pagpadayon sa public consultation sa House of Representatives bahin sa Anti-Political Dynasty Bill.
Sumala ni Palace Press Office Usec. Claire Castro, gusto sa Presidente nga mapasa ang maong balaod gumikan kini usab ang tinguha sa kadaghanan sa mga Pilipino.
Dugang pa ni Castro nga ang desisyon kung i-certify ba kini nga urgent bill magsalig sa pinal nga bersyon nga ipasa sa duha ka kapulungan sa Kongreso.
Sa pagkakaron, nagpadayon ang public consultations, ug daghang kabatan-onan ang nagpahayag sa ilang suporta sa balaod sa lungsod sa Carmona, Cavite.
Sa laing bahin, mibuwelta usab si Usec. Castro batok sa mga komentaryo ni Vice President Sara Duterte nga giingong adunay halong malisya.
Sumala ni Castro, nga dili angay daygon ang usa ka lider nga naggamit og pagpangadaut sa publiko.
Gidugang niya nga ang Presidente usa ka mahigugmaon nga bana ug amahan, ug angay ipakita ang respeto sa iyang pagkatawo.