Gibulgar ni kanhi Ako Bicol partylist Rep. Zaldy Co nga mismo si Pres Bongbong Marcos ang nagmando nga ipasulod ang P100 bilyon nga budget insertion sa tuig 2024.
Kini subay sa gibutyag nga pamahayagh ni Co diin iyang gisampit ang pangalan ni Budget Secretary Amenah Pangandaman nga maoy nagsaysay kaniya sa buot mahitabo sa pangulo.
Gilayon gitawgan matud pa ni Co si kanhi House Speaker Martin Romualdez aron kompirmahon ang sulti ni Pangandaman.
Matud pa misulti usab si Romualdez nga kung unsay gusto ni Marcos, makuha niini. Hisayran nga si Zaldy ang naduot pag-ayo sa isyu sa flood control projects controversy diin siya nagtago paggawas sa nasud.
Dugang pa niini, gigamit matud si nga pangtapal ug “poster boy” sa isyu.
Gipaambit niini nga dili siya magpabiling magpakahilom ug buot na niyang ibutyag ang tinuod bahin sa nagpadayon nga korapsyon, ilabina sa mga flood control projects human direktang gipadangat ang ngalan ni Pres. Bongbong Marcos Jr. ug sa ig-agaw niini nga si kanhing House Speaker Martin Romualdez, diin gikaingong gigamit siya isip pangtapal sa ilang kampanya kontra isyu sa korpsyon.
Sumala pa niini, nagpasalig kini nga protektahan siya ug makapahimulos usab sa maong insertions.
Saysay ni Co, siya ang gihimong taming aron dili madani ang tinudlong mga personalidad ug aron dili sila maoy maoy-og sa isyu sa korupsiyon nga miatol sa DPWH ug sa mga proyekto sa flood control.