Gipadayag ni Presidente Ferdinand Marcos Jr. ang iyang bug-os nga suporta sa 37 ka bag-ong napromote nga heneral sa Armed Forces of the Philippines (AFP) atol sa ilang panunumpa sa Malacañang.
Sa iyang mensahe, giawhag sa Pangulo ang mga opisyal nga magpadayon sa pagpangulo nga adunay integridad ug panalipdan ang dungog sa Armed Forces of the Philippines (AFP).
Gipamatud-an usab sa Pangulo ang padayon ang suporta sa gobyerno sa kaayuhan sa mga sundalo, lakip na ang pagtaas sa base pay ug subsistence allowance sa mga military ug uniformed personnel ilawom sa 2026 National Budget.
Gipunting usab niya ang bug-at nga responsibilidad nga kauban sa mas taas nga ranggo, ilabi na karon nga nagkagrabe ang mga hulga sa seguridad ug tensyong geopolitical, ug giingon nga ang tinuod nga lider masukod dili sa ranggo kundili sa pamatasan ug ehemplo sa serbisyo sa nasud.