Nailhan na ang nasunog nga patay’ng lawas sa usa ka lalaki nga nakaplagan sa likod sa usa ka panimalay sa Purok 2B, Barangay Aglayan, Malaybalay City kagahapon sa buntag.
Giila ang biktima nga si nga si Christian Anthony Boiser Villaser, 23 anyos, ulitawo ug magtutungha sa Central Mindanao University sa kursong Mechanical Engineering, ug residente sa Ubay, Bohol.
Giila ang patayng lawas sa iyang higala nga lalaki, 22 anyos, pinaagi sa keychain ug compass nga personal matud pa niining gihatag sa namatay.
Katapusan nga nakit-an si sa iyang boarding house diin nakita sa CCTV footage nga nagsul-ob kini light nga kolor sa karsones, sandal, ug itom nga medyas.
Positibo usab kini nga giila sa iyang uyoan, 41 anyos, lalaki, minyo, ug residente sa CMU, Maramag, Bukidnon, base sa pisikal nga deskripsyon ug personal nga mga butang sa namatay.
Sa imbestigasyon sa kapulisan, gikaingong giputol sa biktima iyang kinabuhi pinaagi sa paggamit og petrolyo.