Gitugyan na sa 8th Infantry Battalion, Philippine Army ang patayng lawas ni Bonifacio Lutawan, nailhang alyas “Tado,” ngadto sa iyang pamilya sa Barangay Umagos, Lagonglong, Misamis Oriental milabay’ng adlaw.
Sumala sa militar, gipahigayon ang turnover sa hapsay ug organisadong paagi ubos sa koordinasyon sa lokal nga panggamhanan sa Lagonglong ug uban pang mga ahensya aron masiguro nga nasunod ang tanang legal ug humanitarian nga pamaagi.
Gipatin-aw sa 8IB nga gihimo ang proseso uban sa taas nga lebel sa propesyonalismo, pagkamabinantayon, ug pagtahod sa kultura ug kahimtang sa pamilya sa namatay.
Matud pa sa yunit, kabahin kini sa ilang pasalig sa pagrespeto sa dignidad sa tawo ug sa paghatag og hustong kahupayan sa pamilya bisan pa sa konteksto sa armadong panagbangi.
Kahinumduman nga namatay si alyas “Tado” human sa engkwentro sa walhong grupo niini tali sa banay sa militar sa 8th Infantry Batallion niadtong milabayng adlaw nga miresulta sa hinanaling kamatayn niini.