Pantalan, oil storage sa UAE ug tugpahan sa Dubai naigo sa drone sa Iran

Naigo sa mga drone sa Iran ang pinakadakong pantalan ug Fujairah oil storage facility sa United Arab Emirates.

Naigo usab ang international airport sa Dubai, hinungdan nga gisuspinde ang pipila ka mga biyahe human adunay sunog nga nahitabo duol sa tugpahan.

Dako usab nga kadaut ang nahitabo sa mga pantalan ug industrial zone sa Fujairah tungod sa grabeng sunog sa lugar.

Samtang usa ka Palestinian national ang namatay sa Abu Dhabi human maigo sa rocket attack nga giingong gikan sa Iran.

Sumala sa mga awtoridad, kini na ang ikatulong insidente sukad nagsugod ang tensyon sa UAE.

Samtang, napanalipdan sa UAE air defense systems ang unom ka ballistic missiles ug 21 ka drones nga giingong gikan sa Iran.