Higpit nga gitutukan ni Pangulong Ferdinand Marcos Jr ang plano sa Department od Finance (DOF) nga magpahamtang ug bag-ong buwis sa mga online gaming operators.
Kini ang gipahayag ni Palace Press Officer Atty. Claire Castro kabahin sa plano sa DOF, bisan pa man sa posibilidad nga makapahugno kini sa mga operators ug mosangpot sa iligal o underground nga operasyon.Matod ni Castro, ang sugyot sa DOF alang kini sa kaayohan sa mga Pilipino tungod kay nasayod ang Pangulo nga daghan ang naadik sa online gaming.
Dili niya babagan basta aduna lang igong pagtuon bahin sa buhis nga ipatuman, matod ni Castro.Kauban niini, gisulti ni Castro nga palapdan ang kampanya batok sa mga dili rehistradong online gambling kay daghang Pilipino ang naadik ug nalubong sa utang tungod sa ingon nga klase sa sugal.Seguraduhon usab ni Pangulong Marcos Jr. ang mga balaodnon nga nagtinguha nga ipagbawal o ipahugtan ang online gambling, legal man o iligal.
Tan-awon sa Presidente kun kini ba makahatag og kaayohan sa ekonomiya ug sa katawhan.Naminaw ang Pangulo sa unsay nahitabo katawhan ug bisan unsang balaod nga ipasa, kini pagatun-an og maayo, dugang ni Castro.Bukas usab ang Malacañang sa tanang sugyot aron matubag ug maminusan ang pagkaadik sa online gambling nga kasagaran mosangpot sa problema sa panglawas sa mga tawo.