Gibutyag ni Palace Press Officer Undersecretary Claire Castro nga dili pa kinahanglan ang pagdeklarar og State of National Emergency taliwa sa sunod-sunod nga pagsaka sa presyo sa lana sa nasud.
Sumala sa Malacañang, kontrolado pa sa gobyerno ang sitwasyon bisan pa man sa kabug-at nga gidala sa presyo sa petrolyo ngadto sa publiko.
Bisan pa sa padayon sa taas nga presyo sa lana, gipaniguro sa Palasyo nga nagpabiling lig-on ang pagdumala sa gobyerno.
Matod ni Undersecretary Castro, wala pa makaabot sa sitwasyon nga gikinahanglan ang maong emergency declaration.
Dugang pa niini, gitugyan na sa Palasyo ngadto sa Kongreso ang katungod sa pagdesisyon kung angay bang i-repeal o hingpit nga wagtagon ang Oil Deregulation Law.
Sa pagkakaron, padayon ang pakigtambayayong sa Department of Energy (DOE) ngadto sa mga kompanya sa lana aron mangita og mga pamaagi nga maminusan ang epekto sa mahal nga gasolina ug krudo ngadto sa mga konsumidor.
Gipasalig usab niini nga kontrolado pa sa gobyerno ang sitwasyon.