Gipasiugda ang importansya sa tibuok sektor sa gagmay’ng negosyante isip haligi sa ekonomiya nga angay hatagan og prayoridad sa umaabot nga State of the Nation Address (SONA).
Sa pakighinabi sa Bombo Radyo Malaybalay ngadto kang Ray Talimio Jr. Co-Chairman sa Economic Development Committee sa Regional Development Council (RDC) Region 10. Gibutyag niini nga ang Micro, Small, and Medium Enterprises (MSMEs) maoy timailhan sa kalig-on sa ekonomiya ug angay suportahan sa national government.
Gipasabot niini, nga kinahanglan tukion sa liderato ang konkretong mga lakang aron mapalig-on ang MSME sector, ilabina sa hulga sa ekonomiya nga dala sa kalibutang krisis, taas nga inflation, ug kabalaka sa produksyon ug market access.
Gihagit usab ni Talimio ang gobyerno nga pamatud-an sa SONA ang malungtaron ug inklusibong solusyon, pinaagi sa pondo, paspas nga loan assistance, business incubation, ug digitalization support sa mga MSMEs, nga maoy pundasyon sa lokal nga pagpanginabuhi.
Gilauman sa sektor nga madungog ang ilang panawagan ug maapil sa prayoridad sa umaabot nga mga lakang sa nasudnong liderato.