Gipahibalo ni Anthony Pangilinan, amahan sa aktor ug host nga si Donny Pangilinan, nga nagdesisyon ang pamilya nga kunhoran ang presyo sa diesel sa kaugalingon fuel station isip pagtabang sa komunidad sa tunga sa padayon nga pagsaka sa presyo sa krudo nga nakaapekto sa daghang Pilipino.
Sa usa ka pamahayag sa social media, gipaambit ni Anthony Pangilinan, nga gi-assess sa pamilya ang kahimtang sa presyo sa fuel ug ang epekto niini dili lamang sa negosyo apan lakip usab sa mga residente sa komunidad.
Matud niini, atol sa diskusyon, gisugyot ni Donny, ang usa ka lakang nga dili man ingun pabor sa aspeto sa kita base sa numero, apan nag-uyon sa misyon nga motabang sa mga katawhan nga labing nanginahanglan.
Gipahibalo sa pamilyang Pangilinan, nga sugod katong adlawa, Marso 17, 2026, ipaubos sa kaugalingong fuel station nga nahimutang sa South Forbes ang presyo sa diesel og P3 matag litro gikan sa regular nga presyo niini.
Matud pa, ipadayon ang maong inisyatibo kutob sa kapasidad nga masuportahan ang maong lakang.