Dismayado ug wala miuyon ang mga pamilya sa mga biktima sa nahagsa nga Jeju Air Flight 226 sa resulta sa imbestigasyon nga gipagawas sa mga otoridad.
Base sa inisyal nga imbestigasyon, nga nasayop ang piloto sa pagpindot sa buton nga nagpawong sa makina sa eroplano.
Matod sa mga paryente sa mga biktima, dili lang ang piloto ang angay pasanginlan, ug kinahanglan usab nga tan-awon ang ubang mga hinungdan sa aksidente.
Kahinumduman nga 181 ka pasahero ang namatay human makasinati og bird strike ang pasahero nga eroplano niadtong Disyembre 29.
Misulay ang piloto nga mag-landing sa laing direksyon apan kini mi-landing nga walay landing gear, nga maoy hinungdan sa pagsadsad sa runway.
Ang makina sa eroplano gipadala pa sa France para sa mas lawom nga pagsusi, apan base sa inisyal nga imbestigasyon sa mga otoridad sa South Korea, sayop sa pagpawong sa makina ang nakitang hinungda nga gibuhat sa piloto.