Gikoronahan isip Miss World Philippines ang pambato sa Quezon City nga si Asia Rose Simpson.
Gipasa nila ni Miss World Philippines 2024 Krishnah Gravidez ug Miss World 2025 Opal Suchata Chuangsri ang ilang korona ngadto kang Simpson sa pageant nga gipahigayon sa Mall of Asia.
Gawas sa maong titulo, nakuha usab niya ang pipila ka mga special awards sama sa Dr. Toledo Cosmetics Ambassador, Talent Challenge winner, ug Beauty with a Purpose.
Kauban usab niya nga nidaog isip Best in Swimsuit si Valerie Pawid gikan sa West Ifugao.
Samtang, giproklamar isip First Princess si Anne De Mesa sa Manila, ug Second Princess si Gabriel Fuentes Galapia sa Pampanga.
Si Asia Rose ang magsilbing representante sa Pilipinas sa Miss World Pageant nga pagahimuon didto sa South Korea karong bulan sa Marso.