Dako ang garbo ug kalipay sa pambato sa Pilipinas nga si Rey John Sabado human gikoronahan ang maong batan-on isip Mister Global Asian 2026 nga gipahigayon didto sa Kuala Lumpur, Malaysia.
Gawas sa maong dungog, gihakot usab ni Sabado ang pipila ka mga espesyal nga pasidungog lakip na ang Best in National Costume, Best in Formal Wear, ug Best in Beach Wear.
Nagsugod ang “humble beginnings” niadtong anaa pa ang nahisgutang mananaog sa high school sa Nueva Ecija, diin gipaambit niini nga gawas sa pamilya, ang pagtabang sa mga charity works sa mga balay-ampunan ang nagsilbing inspirasyon sa matag pagsalmot sa kompetisyon.
Mapasalamaton ang mananaog sa tanang nisuporta, ug human sa kadaugan, nagplano ang mananaog aa Global Asian nga itutok una ang atensyon sa mga business ventures ug sa aghatag og dugang suporta alang sa male pageantry sa tibuok nasud.