Nagdumili na ang Board of Directors sa Malaybalay City Water District nga lugwayan pa ang pahumanay na nga 45-days nga termination notice batok sa PrimeWater Infrastructure.
Sa esklusibong pakighinabi sa Bombo Radyo Malaybalay kang Engr. Nolito S. Binahon, General Manager sa Malaybalay City Water District, gibutyag niini nga matapos na sa Marso 1, 2026, ang termination notice sa PrimeWater ug naghangyo kini nga lugwayan pa sulod sa 60 ka adlaw apan nagdumili na ang Board of Directors.
Nunot niini, nag adnam na usab og laing resolusyon ang MCWD alang sa pagdumala sa panubig sa syudad ug maturn-over sa Malaybalay City Water District.
Apan giklaro ni Engr. Binahon, nga dili kini insigida gumikan adunay mga proseso nga ginasubay aron masiguro ang hapsay nga pagdumala.