Gikatahong andam ang kagamhanan nga mohimo og komprehensibong imbestigasyon sa tanang gikaingong pagpamatay nga adunay kalabotan sa illegal nga droga sa administrasyon ni Ferdinand Marcos Jr..
Sumala kang Palace Press Officer Under Secretary Claire Castro, seryoso ang baruganan sa Presidente nga ang kampanya batok sa illegal nga droga nga dili dugoon ang pamaagi.
Matud pa niini, kung adunay lig-on nga ebidensya nga nagapakita sa insidente sa extrajudicial killings o bisan unsang illegal nga pagpatay, andam ang gobyerno nga imbestigahan gilayon kini.
Kahinumdoman, nga si Nicholas Kaufman, legal counsel ni kanhi Presidente Rodrigo Duterte, miluwat nga angay usab imbestigahan ang kasamtangang administrasyon ni Marcos gumikan aduna usab mga gakahitabong pagpamatay sa kampanya niini batok sa illegal nga droga.