Gihukman nga guilty sa korte sa Estados Unidos ang usa ka Pakistani national nga giilang si Asif Merchant tungod sa giingong plano niini sa pagpatay kang U.S. President Donald Trump ug uban pang inilang politiko sa Amerika duha na ka tuig ang milabay.
Sumala sa US Department of Justice (DOJ), misulay si Merchant sa pag-recruit og mga tawo sa US aron ipatuman ang usa ka assassination plot isip panimalos sa pagpatay sa Amerika kang Iranian military commander Qassem Soleimani niadtong 2020, sa panahon nga si Trump anaa pa sa unang termino niini isip presidente.
Gawas kang Trump, nalakip usab sa mga target sa maong plano niadtong 2024 si kanhi U.S. President Joe Biden ug si Nikki Haley, kinsa nidagan batok kang Trump para sa nominasyon sa Republican Party sa pagkapresidente.