Nangandam na karon ang Pakistan sa pag-host og peace talks tali sa Estados Unidos ug Iran taliwala sa nagkagrabe nga tensyon sa Middle East. Sumala ni Foreign Minister Ishaq Dar, duna nay pagbinayloay og mensahe ang duha ka panig pinaagi sa Islamabad, ug andam ang Pakistan nga magsilbing “neutral ground” alang sa direktang panagsultiyay.
Ang maong lakang gisuportahan usab sa mga nasod sa Egypt, Saudi Arabia, Turkiye, China, ug sa United Nations aron malikayan ang mas dako nga gubat. Bisan pa niini, nagpabiling kritikal ang Iran ug giingong duna pay pagduda sa Washington, samtang ang US niingon nga duna nay “productive conversations” apan wala pa’y klaro nga saad o commitment. Magdepende sa mosunod nga mga semana kon duna ba’y maayong bunga ang maong diplomasya.