Nabalaka si Senator Erwin Tulfo sa pagsaka sa pondo alang sa farm to market roads kon (FMR) nga giaprobahan sa bicameral conference committee nga mibat og ₱17 bilyon, hinungdan nga ang kinatibuk-ang kantidad niini mosaka na og ₱33 bilyon.
Sumala kang Sen. Erwin, nasabtan niini nga dako kaayo kini nga kantidad ug posibling hunahuna sa publiko nga gitangtang na ang flood control projects apan gipulihan hinuon kini og farm to market roads.
Saysay pa ni Tulfo nga dili malikayan nga maghunahuna ang katawhan nga nakakita og laing paagi ang pipila ka mga magbabalaod aron makakuha og pondo pinaagi sa mga proyekto sa farm to market roads.
Tungod niini, gikinahanglan nga adunay safety measures nga ibutang sa nasudnong badyet, ilabi na sa paggamit sa pondo alang sa FMR aron masiguro nga kini ipatuman og husto ug walay anomalya.
Matud pa ni Senator Pia Cayetano nga ang pondo alang sa farm to market roads posible pang mosaka og ₱43 bilyon, tungod sa ₱11 bilyon nga pondo nga wala pa marelease sukad sa 2025.