Nagpakita og dakong suporta ang mga taga-Kibawe ug taga-Valencia, ngadto kang 8-Division World Champion Manny Pacquiao, pinaagi sa libreng live viewing sa ilang mga gymnasium, bisan pa sa tabla nga resulta sa iyang pinakabag-ong duwa para sa WBC World Welterweight Championship.
Kini pina-agi usab sa pagsuporta sa pambansang kamao tungod kanhing taga Kibaweños si Manny Pacquiao. Samtang sa Valencia City, gipasiugdahan sab sa City Government ang libre nga live viewing sa City Gymnasium uban ang suporta nila Mayor Amie Galario, Vice Mayor Cecil Galario-Fernandez, ug mga kauban sa Sangguniang Panlungsod.
Naghiusa usab ang Sports and Games Regulations Division ug IT Services Division aron mapatuman ang maong kalihokan. Bisan wala’y nakadaug sa maong duwa, nagpabilin ang bug-os nga suporta sa mga Bukidnon kang Pacquiao isip simbolo sa ilang pagtan-aw kaniya isip inspirasyon ug panaghiusa sa komunidad.