Nagpabiling dakong hagit sa kagamhanan ang pagmugna og solusyon kalabot na sa posibleng halapad nga trapiko sa umaabot nga Northern Mindanao Regional Athletics Association (NMRAA) 2026.
Gibutyag ni Traffic Operations Officer Justino Roy B. Santonino sa Malaybalay City Traffic Management nga nag-andam sila ug klarong plano alang sa umaabot nga (NMRAA) 2026 aron masiguro ang hapsay nga dagan sa trapiko ug kaluwasan sa mga atleta, delegado, ug mga residente.
Sa koordinasyon sa lain-laing yunit, gi-assign ang 14 ka personnel sa Laguitas Sports Complex alang sa entrance, exit, ug roving monitoring sa 1-kilometer perimeter, samtang gibantayan usab ang mga eskwelahan nga gi-residencehan sa mga player.
Giandam usab ang on-call personnel para sa escort ug assistance sa mga sakyanan ug atleta nga dili pamilyar sa dalan.
Gilauman nga adunay bug-at nga trapiko sa pipila ka lugar, ilabi na sa Sports Complex ug sa mga dalan paingon sa mga eskwelahan.
Gihangyo sa publiko ug mga drayber ang pagsunod sa trapiko aron malikayan ang kagubot sa dalan ug masiguro ang kaluwasan sa tanan samtang nagpadayon ang dako nga kalihokan sa dakbayan.