Patay ang usa ka lalaki human mibangga ang iyang gisakyan nga motorsiklo sa usa ka barikada sa highway sa Purok Pal-ing, Barangay Patpat, Malaybalay City kagabii, Disyembre 31, 2025.
Base sa imbestigasyon sa kapulisan, nasuta nga nagmaneho ang biktima ilalom sa impluwensya sa ilimnong makahubog, nga gituohang hinungdan sa pagkawala sa kontrol sa manobela sa motorsiklo.
Sa laing bahin, patay usab ang usa ka driver sa usa ka tindahan sa prutas nga giila nga si Ranel Arenga human siya gipusil sa ulo sa tulo ka wala pa mailhing mga tulisan kagabii, alas 9:00 sa gabii, sa Barangay Aglayan, Malaybalay City.
Sumala sa inisyal nga imbestigasyon sa Malaybalay Police Station, matod ni PCapt. Ernie Cabrera, Chief Investigator, tulo ka lalaki nga sakay sa usa ka itom nga motorsiklo ang responsable sa krimen.
Nasayran nga gikuha gikan sa biktima ang iyang cellphone ug ang halin sa tindahan, nga gibanabanang mokabat sa kapin P100,000 pesos.
Matod ni si Rollena Dizon inahan sa tag-iya sa tindahan, kini nga kantidad mao ang kinatibuk-ang kita sa negosyo sukad pa sa adlaw sa Pasko.
Dugang pa niini nga sa panahaon nga nagbantay kini sa pwesto aduna na kini namatikdan nga kadudahan nga mga indibidwal ug nagpahimangno nga dili na magdugay sa pagsira sa tindahan.