Gilauman nga masugat sa mga motorista ang usa ka dako nga pagsaka sa presyo sa lana sa pagsulod sa bulan sa Marso.
Sumala sa mga banabana sa industriya sa lana, base sa dagan sa trading sa world market sa milabay nga upat ka adlaw, duna’y madugang nga kantidad sa matag litro sa gasolina, diesel, ug kerosene. Ang maong “oil price hike” giingong tungod sa nagpadayong tensyon sa Middle East ug sa limitadong suplay sa lana sa tibuok kalibutan.
Giawhag ang mga motorista nga magpatubil na sa dili pa ang gitakdang adlaw sa pagpatuman sa maong usbaw, nga kasagaran himuon matag adlaw’ng Martes.
Samtang, ang Department of Energy (DOE) padayon nga nag-monitor sa lihok sa presyo aron masiguro nga makiangayon ang ipatuman nga adjustments sa mga kompanya sa lana sa nasud.