Gikasubo sa usa ka abogado ang kasamtangang kahimtangan sa politika sa Pilipinas tungod sa padayon nga isyu sa impeachment nga naglambigit kang Vice Presidente Sara Duterte ug Presidente Ferdinand “Bongbong” Marcos Jr.
Sa eksklusibong pakighinab kang Atty. Proculo Sarmen, usa ka legal expert, gipadayag niini nga ang sobra nga pagtuon sa personal ug politikal nga interes sa mga opisyalis sa gobyerno nakaapekto pag-ayo sa pagpalambo sa social justice ug sa kinatibuk-ang direksyon sa nasud.
Matud niini, ang padayon nga diskurso ug pagpasaka sa impeachment cases nahimo nang kabahin sa eleksyon sa 2028 nagdala og negatibong epekto sa kahimtangan sa nasud, lakip na ang ang pagkawala sa pagsalig sa mga mamuhunan ug pagkaluya sa ekonomiya.
Matud pa niini, nakapahuyang kini sa “united collaboration” nga gikinahanglan aron mapalig-on ang social justice, ekonomiya, ug serbisyo publiko.