Giklaro sa International Criminal Court (ICC) nga wala’y epekto sa imbestigasyon batok kang kanhi Presidente Rodrigo Duterte ang pagtangtang sa puwesto ni ICC Prosecutor Karim Khan.
Sumala ni ICC Spokesperson Fadi el Abdallah, gikuha si Khan sa kaso tungod kay nalambigit kini sa pagsumite og communications ubos sa Article 15 sa Rome Statute ngadto kang kanhing Prosecutor Fatou Bensouda.
Ang maong kaso karon giatiman na ni Deputy Prosecutor Mame Mandiaye Niang, nga maoy motan-aw sa imbestigasyon ug posible nga pag-apply og warrant of arrest batok kang Duterte.
Kahinumdoman nga niadtong Mayo, temporaryo nga mikanaog si Khan sa iyang posisyon tungod sa imbestigasyon sa United Nations bahin sa giingong sexual misconduct. Gipetisyonan usab kini sa depensa pinaagi ni Atty. Nicholas Kaufman nga madisqualify si Khan, tungod kay kaniadto nahimong abogado kini sa mga biktima sa “war on drugs” ni Duterte.