Giuyonan sa mga kadagkoan sa Malaybalay CIty Water District ang mando ni Presidente Ferdinand Marcos Jr, nga imbestigahan ang palpak nga serbisyo sa panubig sa tibuok nasud.
Sa pakighinabi sa Bombo Radyo Malaybalay, kang Engr. Nolito Binahon, General Manager sa Water District-Malaybalay, nga taliwala hinay-hinay nga mihimo ang PrimeWater sa syudad sa Malaybalay maintenance operation, apan dili kini parte sa major projects nga ilang gisaad sa kontrata.
Gibutyag ni Engr. Binahon, nga dili 100% nga makita ang mga gibuhat sa kompanya.
Subling gipahinumdoman niini nga base sa gihatag nga 60 days ultimatom niadtong July 26 nga matapos sa Agosto 26 ning tuiga.
Bisan nga hinay-hinay na sa paglihok ang PrimeWater, apan dili gihapon klaro nga nasunod na ang joint venture.Â
Giklaro usab ni Engr. Binahon, nga nagpadayon ang evaluation sa performance indicators aron masusi kung natuman ang nalatid sa kontrtata.Â