Paglahugay sa mga opisyal sa Region 10, dili babag sa serbisyo sa PNP

Gikabalak-an sa katawhan ang epekto sa paglahugay sa mga opisyal sa Police Regional Office 10, apan gipasalig sa kapulisan nga magpabilin ang ilang pagkamatinud-anon sa serbisyo publiko.

Sa pakighinabi sa Bombo Radyo, gisaysay ni PMaj. Joan Navarro, tagpamaba sa PRO-10, nga ang paglahugay normal nga proseso sa organisasyon ug kabahin sa pagpangita sa lider nga mopakita sa maayong pagpangulo.

Gipahibalo nga kagahapong adlawa, gihimo ang turnover sa bagong provincial director sa Lanao del Norte PPO, ug gilauman nga mosunod ang paglahugay sa ubang kasikbit nga probinsya. Gipasalig sa PNP nga padayon silang mag-alagad sa katawhan bisan pa sa kalihukan sa ilang han-ay.