Ginatun-an karon sa Department of Transportation ang reduction of driving hours sa mga driver sa bus.
Sa giluwatang pahayag ni Palace Press Officer Atty. Claire Castro atol sa Press Briefing karong adlawa, Mayo 5, 2025, gawas sa mandatory ug regular drug testing sa Public Utility Vehicle drivers, laraw nga ipatuman ang maong lakang.
Dugang pa ni Castro nga taas ang oras sa pagmaneho nga mamahimong makaapekto sa maayong performance sa driver, busa kinahanglang masuta og pila ra ka oras ang itagana matag usa kanila.
Gani,posibleng moubos sab sa 6 ka oras ngadto sa 4 ka oras na lang ang driving hours, apan dili pa kini pinal, tungod tun-an pa sab ang mamahimong epekto niini sa kita sa mga driver.
Tambag sab ngadto sa mga driver nga kanunay’ng hinumduman nga anaa sa ilang mga kamot ang kinabuhi sa mga pasahero, ingon man sa mga pasahero ug manabukay, busa likayan ang mga aktibidad nga makaapekto sa ilang kapasidad nga magnaneho sama sa pagpulaw ug pag-inom una ang adlaw sa ilang trabaho.
Nasayrang nagpagula og pamahayag si Department of Transportation Secretary Vince Dizon nga mibati na og kabalaka ang katawhan ilabi na sa sunod-sunod nga disgrasya sa kadalanan.
Sa pikas bahin, gibutyag ni Department of Transportation Secretary Vince Dizon nga di na matud pa luwas ang kadalan sa karon. Apan, miangal ang transport group nga PISTON gumikan ang drug-test dugang kasakit lamang sa mga driver.
Ang maong plano posible lamang matud pa mahimong rason aron ikonsiderang suspek ang driver inay nga propesyunal. Sigon pa sa PISTON nga og seryoso ang DOTr labot sa public safety, gikinahanglan matud pa nga unahon ang pag-ayo sa mga traffic infrastructure, pag-regulate sa oras sa trabaho ug pagsiguro sa suholan lakip na ang benepisyo sa mga drayber nga taas og oras nga ginatagana sa pagbiyahe.