Pagkunhod sa bili sa Piso nagduso sa Inflation lakip na sa pagtaas sa  presyo sa kuryente 

Gilauman sa Bangko Sentral ng Pilipinas (BSP) nga ang inflation sa nasud mahimong mobalik sulod sa target nga 2%–4% karong tuiga gumikan sa mas taas nga presyo sa kuryente, epekto sa base year, ug padayon nga paghuyang sa bili sa piso.

Sumala sa Monetary Policy Report sa BSP para sa Disyembre 2025, gilauman nga moabot sa 3.2% ang inflation karong tuig ug 3% sa 2027, samtang niadtong 2025 naitala kini sa 1.7%, ang pinakagamay sa miaging siyam ka tuig tandi sa 1.3% niadtong 2016, ug sukad Agosto 2024.

Gipaubos sa Monetary Board og 200 basis points ang benchmark interest rates hinungdan nga nahimong 4.50% na lamang  ang policy rate.