Labing gikalipay sa US ug Venezuelan citizens ang pagdakop kang Venezuelan President Maduro ug First Lady Cilia Flores.
Sa eksklusibong pakighinabi sa Bombo Radyo Malaybalay kang Dolly Ilogon, Bombo International News Correspondent sa United State, kadaghanan sa American-Venezuelan citizens ang nagmalipayon sa pagkasikop ni President Maduro ug sa asawa niini diin gidala gilayon kini sa New York alang sa pag-atubang sa kasong gipasaka batok kanila.
Matud pa ni Ilogon, hilabian ang kalipay sa katawhan sa Venezuela nga nadakpan kini gumikan sa nasinati niining pagpang-abuso ug gikaingong pagkadiktador ni Maduro.
Gani matud ni Ilogon, nga gikaingong adunay 9 milyon ka Venezuelans ang nakasinati og kagutom, pagpang-abuso ug uban pa nga miresulta sa pagbalhin sa ubang residente ngadto sa Estados Unidos.
Gibutyag usab niini, nga taliwala sa panahon ug oras adunay gatusan ka mga Venezuelan-Americans ang malipayong naghulat kaniadto sa pagdala kang Maduro sa Metropolitan Detention Center sa Brooklyn diin kini kasamtangang gipriso.
Samtang sa Atlanta, Texas, Florida, ug uban pang parte sa nasud nga adunay mga Venezuelans, nagpahigayon usab og pangtipok atol sa pagkasikop kang Maduro isip timaan sa kalipay nga nadakpan na kini.
Gikatahong ipailawom sa arraignment ang Presidente ug First Lady ug kung mapamatud-an ang kasong gipasaka batok kanila, posible kining mag-atubang og death penalty.