Paghuyang sa bili peso batok sa langyaw nga salapi, gikabalak-an sa sektor sa ekonomiya!

Gikabalak-an sa sektor sa ekonomiya ang pagnaog sa bili sa peso nga mibalik sa lebel nga 59 pesos  batok sa dolyar sugod kagahapong adlawa.

Tungod sa nagpadayong giyera sa Middle East, nakatala sa labing ubos nga performance niini sulod sa kapin usa ka bulan.

Gumikan niini, nagpagawas og pasidaan si Bangko Sentral ng Pilipinas (BSP) Governor Eli Remolona Jr. nga mamahimong usbon sa central bank ang dagan sa polisiya ug pasakahan ang interest rates kon magpadayon ang pagsaka sa presyo sa lana sa kalibutan ngadto sa $100 matag baril.

Ang lokal nga kwarta mitapos sa trading week sa ₱59.00, mas huyang og 37 sentimos kon  itandi sa miaging adlaw, nga mipakgang sa maayo nga dagan sa peso sa pagsugod niining tuiga.