Gikwestyon sa pipila ka legal nga eksperto ang kredibilidad sa maong komitiba nga gitugyan karon ni Senador Robin Padilla, nga dili abogado ug walay lawom nga kahibalo sa constitutional law.
Sa pakighinabi sa Bombo Radyo Malaybalay sa usa ka legal expert nga si Atty. Eddie Cuaresma, gipahayag niini nga ang maong komitiba ang nagapangulo sa mga lakang alang sa pag-amendar sa konstitusyon, hinungdan nga kinahanglan ang usa ka eksperto sa balaod ang molingkod niini.
Dugang pa niini, bisan pa kini dili abogado ang molingkod, kinahanglan adunay lawom nga pagsabot ug kahanas sa mga prinsipyo sa konstitusyon aron matagad ang sensitibo sa komplikadong katungdanan niini. Gipasabot usab sa eksperto nga mas angayan kung ibalhin ang maong senador sa Committee on Entertainment diin kini mas angayan mahitungod aktor na kini na adunay kahanas.
Sa tunga sa mainit nga diskurso, padayon ang panawagan sa mga eksperto ug katawhan alang sa mas husto, eksperyensyado, ug kwalipikadong lider nga motutok sa mga isyu sa konstitusyon nga naglangkob sa kaugmaon sa tibuok nasud.