Nakakaplag na matud pa og paagi si Pres.Ferdinand Marcos Jr. aron masustenir ang pagbaligya og bugas ngadto sa P20 kada kilo, nga usa sa iyang gisaad nga plataporma atol sa kampanya niini.
Gibutyag sa pangulo, nga nakakaplag na ang gobyerno og solusyon aron matuman kini nga target, nga sukad kaniadto lisod buhaton tungod sa mga limitasyon sa sistema sa agrikultura ug ekonomiya.
Iyang gipanghambog nga andam na karon ang mga inisyatibo ug pamaagi aron mapamub-an ang preso sa bugas ug mapadayon ang P20 matag kilo.
Dugang pa sa pangulo, atangan nalang sa Mayo 2028 og natuman ba ang maong plano o mapakyas kini.
Sa pagkakaron, wala pa mopadayag og tukmang detalye og giunsa sa gobyerno pag-abot sa maong solusyon, apan nagpasabot kini sa resulta sa mga reporma ug inisyatibong gilusad aron mapaayo ang rice supply chain, pagtabang sa mga mag-uuma, ug pagkontrol sa presyo sa merkado.