Pag-atubang ni Pres. Marcos sa House impeachment deliberasyon, nakadepende sa Legal Team

Nakadepende sa legal team ni Presidente Ferdinand Marcos Jr. kung mUtambong ba kini isip respondent sa deliberasyon sa House Committee on Justice mahitungod sa impeachment complaint nga gipasaka batok kaniya.

Matud ni Palace Press Office Undersecretary Claire Castro, bisan pa og makadawat og pormal nga imbitasyon ang Presidente, ang iyang legal team gihapon ang modesisyon kung angay ba kining tumanon base sa mga legal nga sumbanan.

Gihulat pa usab sa Palasyo ang himuong lakang sa Kamara, ilabi na ang pagtino kung ang reklamo adunay gitawag nga “sufficiency in form and substance”.