Posibleng nalapas sa Estados Unidos ang tulo ka prinsipyo sa international law ang pag-aresto kang Venezuelan president Nicolas Maduro.
Matud sa usa ka professor ug eksperto sa balaod, ginahikawan niini ang awtoridad sa Venezuela isip usa ka independente nga nasud.
Nalapas usab ang head of state immunity nga nagpanalipod sa naglingkod nga presidente batok sa pagdakop sa laing nasud.
Dugang pa, kini mahimong ikonsiderar nga panghilabot sa internal affairs sa Venezuela nga supak sa prinsipyo sa non-intervention.
Gipunting sa abogado nga illegal ang maong lakang sa Amerika gumikan sa kakaulang sa hurisdiksyon.
Kung ang internasyunal nga balaod ang basehan dili angay dakpon si Maduro bisan aduna pa kini warrant of arrest apan maaplikar lamang kini sa hurisdikyon sa U.S.
Dugang pa niini, adunay panagbangga sa maong panghitabo gumikan natunga ang opinyon ug reaksyon sa katawhan.
Makita usab nga ang kasong gipahamtang kang Maduro dili crime against humanity kon genocide maong gidakop kini.
Apan hingpit nga gipasabot ni atty. Proculo Sarmen nga bisan pa world peace o kalinaw ang tumong ug tinguha sa mga balaod sa United Nations aduna gihapon higayon nga dili kini matuman tungod sa mga dagkong nasud nga mas gamhanan kon gitawag nga “Super powers” nga mga nasud.