Kinahanglang ipaubos sa makuting pagtuki ang mga ebidensya sa impeachment complaint batok kang Bise Presidente Sara Duterte, susama sa prosesong gihimo sa reklamo batok kang Presidente Ferdinand Marcos Jr.
Sa eksklusibong pakighinabi sa Bombo Radyo Philippines, gipahayag ni Rep. Mauricio Domogan, Vice Chair sa House Justice Committee, nga ang maong pagsusi maoy mahimong basehan kon angayan ba gayod nga matangtang sa katungdanan ang Bise Presidente.
Saysay pa ni Rep. Domogan, himuong abli sa publiko ang pagtuki sa mga dokumento ug testimoniya aron maseguro ang transparency ug mapakita ang kamatuoran.Dugang pa niini nga kinahanglan sundon ang saktong proseso sa balaod.
Tumong niini nga malikayan ang mga pagduda nga dunay gidapigan o pamolitika lamang ang nagpaluyo sa maong lakang.Pinaagi sa maong pamaagi, nagtoo ang komite nga masaligan sa katawhan ang mahimong desisyon sa Kamara bahin sa maong kontrobersyal nga isyu.