Target sa National Food Authority (NFA) nga makakolekta og dul-an P912 milyones nga kita pinaagi sa pagsubasta sa gibana-banang 754,000 ka sako sa milled rice o mga stock sa bugas nga milapas na og tulo ka bulan sa ilang mga bodega.
Matud ni NFA Administrator Larry Lacson, ang maong lakang tumong aron mahabwa ang mga bodega ug malikayan ang pagka-usik o pagkadaot sa mga stock. Nakatakdang ablihan ang auction tenders karong Pebrero 20, samtang gipahigayon ang pre-auction conference kagahapong adlawa, Pebrero 13.
Gipaniguro ni Lacson nga ang tanang bugas nga isubasta napaubos ug nakapasar sa laboratory tests ug kumpirmadong luwas pa kini nga kan-on sa tawo.
Gilauman nga ang kita gikan sa subasta gamiton sa operational expenses sa sektor sa agrikultura, suweldo sa mga kawani ug gasto sa transportasyon sa mga bugas ug uban pang mga panginahanglanon sa ahensya.
Ang maong subasta ipahigayon sa NFA Central Office sa petsa nga i-anunsyo sa dili madugay.