Padayon pa nga ginapangita sa kapulisan ang riding in tandem nga nanulis sa save on gas station nga nahimutang sa P-4 Pal-ing, Barangay Patpat, Malaybalay City kagahapong adlawa, ala 1:25 sa hapon.
Subay sa report, nasuta nga adunay duha ka suspetsado nga nagpagas sa maong station og kalit lamang gitiunan ang pump girl gamit ang wala matino nga armas.
Human nga nagpakaron-ingnong mga kustomer ang mga tulisan, kalit nga mideklara og tulis ang mga nahisgutan ug nataganga ang sa mga suspetsado ang gibana-banaang P8,000 nga kantidad sa kwarta nga halin sa gasolinahan.
Sa eksklusibong pakighinabi sa Bombo Radyo Malaybalay kang alyas Mari , pump girl sa maong gasolinahan nga nakahelmet ang mga suspek ug nakasuot og puros itom nga sanina. Gani, nasayran sab nga adunay unom ka mga CCTV ang maong gas station, apan pulos kini mga guba.
Gilayon sab nagpahigayon ang kapulisan og mas lawom nga imbestigasyon aron hingpit ng mailhan sa otoridad ang mga suspek aron manubag sa maong salaod.