Midonar ang Department of Agrarian Reform, og mga farm machinery and ekipo nga nagkantidad og P8.2 milyones ngadto sa 15 ka agrarian reform beneficiary organization sa Bukidnon.
Ang DAR miingon nga kini nagtumong sa pagpausbaw sa produksyon sa agrikultura ug pagtabang sa pagpalambo sa panginabuhian sa mga lokal nga mag-uuma, kabahin sa padayon nga suporta ni Presidente Ferdinand R. Marcos Jr. sa mga mag-uuma ubos sa Comprehensive Agrarian Reform Program.
Ang mga ekipo naglakip sa stationary rice mills nga gihatag ngadto sa Araneta Farmers Agrarian Reform Beneficiaries Association sa Valencia City ug sa Dangcagan Farmers Irrigators Association sa Dangcagan.
Lakip usab ang three-wheeled cargo-type vehicles alang sa First Agrarian Reform Multi-Purpose Cooperative sa Sumila, AGGIES Multi-Purpose Cooperative sa Manolo Fortich, IMDALSA Agrarian Reform Cooperative sa Malaybalay City, Labuagon Multi-Purpose Cooperative sa Kibawe, Lumintao Farmers Multi-Purpose Cooperative sa Quezon, ung ang Kauyonan Multi-Purpose Cooperative sa Don Carlos.
Sa laing bahin, nakadawat usab ang ubay-ubay nga lugar og mobile corn shelter, lakip na ang San Rafael Agrarian Reform Beneficiaries Farmers Association isa Talakag, San Luis Agrarian Reform Beneficiaries Association Inc. sa Malitbog, Cabanglasan Agrarian Reform Cooperative sa Cabanglasan, Bantuanon ARB Multi-Purpose Cooperative sa Lantapan, and the Kitingting Kipini SALT Farmers Organization sa Damulog.
Samtang, usa ka cassava granulator/chipper ug furrower ang gihatag sa Christ the King Christian Multi-Purpose Cooperative sa Libona, samtang ang QUARBA Farmers’ Cooperative sa Impasug-ong nakadawat usab og tractor ug uban pang mga gamit pang-uma.