Nangayo ang Department of Agriculture kon (DA) og P73.9 bilyon nga budget gikan sa kagamahanan alang sa sunod tuig 2026 aron pondohan ang mga nag-unang programa sa agrikultura ug ang Rice Competitiveness Enhancement Fund (RCEF), nga gilaraw aron tabangan ang mga lokal nga mag-uuma nga makigkompetensiya batok sa mas baratong imported nga bugas.
Gibutyag sa DA nga P43.9 bilyon niini ang itagana para sa nasyonal nga mga programa nga naglangkob sa humay, mais, high-value crops, organikong pagpanguma, kahayupan, ug urban agriculture.
Samtang, ang P30 bilyon, nga triple sa kantidad karong tuiga, ang earmarked para sa Rice Competitiveness Enhancement Fund,diin usa kini ka dako ug mahinungdanong lakang sa pagpalig-on sa industriya sa humay sa nasud.
Kini nga pondo kabahin sa giplanong P176.7 bilyon nga budget sa DA para sa 2026, diin 13% nga mas dako tandi bsa P155.6 bilyon sa kasamtangang tuig, ug ginasusi na matud pa karon sa Kongreso.