P5,360 nga kantidad sa smuggled nga sigarilyo nasakmit sa kapulisan sa lungsod sa Kitao-tao

Nakumpiska sa mga operatiba sa Philippine National Police sa Bukidnon ang ginadudahang smuggled nga sigarilyo sa usa ka operasyon sa Purok 1, Barangay Bolocaon, Kitaotao, Bukidnon niadtong milabayng takna alas 9:51 sa buntag.

Sa maong operasyon, nadakpan ang usa ka 27 anyos nga lalaki nga nasakpan sa akto nga nagbaligya sa maong mga sigarilyo ug napakyas sa pagpakita og legal nga dokumento nga magpamatuod sa legal nga pagpanag-iya niini.

Matud sa kapulisan ang unom ka ream ug pito ka pakete sa nagkalain-laing brand sa sigarilyo, gibana-banaang nagkantidad og P5,360.

Ang nadakpang indibidwal ug ang mga nakumpiskang sigarilyo gitugyan sa Rural Health Unit sa Kitaotao alang sa hustong disposisyon ug dugang nga proseso sa kaso.