P300,000 nga damyos sa duha ka panimalay nga naabo sa sunog

Mikabat sa P300,000 ang kapin nga kadaot human naabo ang duha ka panimalay sa sunog nga nahitabo pasado alas 4:45 sa hapon, Hulyo 6, 2025, sa Purok 6, Sitio Kiubab, Barangay Laguitas Malaybalay City Bukidnon.

Gipanag-iyahan sa pamilyang Lugo ug pamilyang Cagandi ang mga balay nga gilamoy sa kalayo nga misangpot sa hingpit nga pagkasunog sa ilang kabtangan.

Walay naangol nga tawo sa insidente, apan adunay mga hayop nga nangamatay ug wala nay naisalbar nga butang. Gidiklara nga fire out pasado alas 5:20 sa hapon.

Gikumpirma sa Bureau of Fire Protection (BFP) Malaybalay nga padayon ang ilang imbestigasyon aron masuta ang hinungdan sa maong kalayo.