P20 nga kilo sa bugas, mapalit na sa Visayas Area?

BUKIDNON-Gianunsyo sa Department of Agriculture (DA) nga target nilang ipatuman ang long term nga presyo sa bugas karong tuiga. Sumala pa sa ahensya, mamahimo ng mapalit sa P20 ang kada kilo sa bugas hangtod tuig 2028. Sa nahimong direktiba matud pa ni Pangulong Ferdinand Marcos Jr. nga himoong long-term ang pagbaligya sa barato nga bugas. Gumikan niini, gisaysay ni Agriculture Secretary Francisco Tiu Laurel Jr., nga ang inisyal nga panaghisgot sa plano uban ang pangulo may kalabotan sa petsa ug bulan og kanus-a sugdan ang programa. Kutob ra sa bulan sa Disyembre karong tuiga epektibo ang tag P20 nga kilo sa bugas ug gilaumang mahuman sa bulan sa Pebrero 2026, apan posibleng malugwayan pa kini. Dugang pa ni Laurel, nga alayon sa pagkunhod sa presyo sa bugas, dili musobra sa 10 kilos kada semana ang mamahimong ibaligya nga bugas sa kada tawo ug mukabat lamang sa 40 ka kilo sulod sa usa ka bulan. Ang maong programa buot ipatuman sa tibuok nasud dili lang sa mga lugar nga “pilot of implementation” diin sa kinatibuk-an, mukabat sa 358,000 ka tonelada ang stock sa bugas sa nagkadaiyang mga lugar. Gikanayon usab nga kinahanglan na kining ipagawas karon nga panahon sa pag-ani. Kini nga inisyatiba usa ka lakang aron masiguro nga abot-kaya ang bugas alang sa mga Pilipino, ug masuportahan ang sektor sa agrikultura.